Jæren folkehøgskule treng:  

Interiørlærar

Som interiørlærar er du linjelærar på interiørlinja. Ein aktuell arbeidsform kan vere å arbeide seg gjennom rom for rom i eit hus. Ein nyttar gjerne plantegning med tilhøyrande collage av valgte møbler. Gjennom ein slik arbeidsform lærer eleven om form, farge, material og funksjon av møbel, lys og dekor. Oppussing av småmøblar kan også vera eit fagfelt me arbeider med. Me nyttar nærmiljøert med Stavanger for å sjå på nisjebutikkar som er fagleg interessante. I nokre tilfeller pussar linja opp heile rom på skulen eller i distriktet.

Stillinga passar for deg som er fleksibel og kan snu deg rundt når det trengs. Du vil ikkje finna rigid ordna og regelmessig arbeidstid hos oss, men travle periodar og mindre travle periodar der me kan ta oss litt inn igjen.

Til alle stillingar ligg sjølvsagt krav om at du trivst med ungdom, og at du kan arbeida innan dei krav som ligg i lov og føresegner for folkehøgskulen.

Undervisninga er i hovudsak frå måndag til fredag, men det er også noko undervisning på laurdag. Enkelte gonger også arrangement som går over heile helga. Ein del prosjekt på tvers av fag og linjer må påreknast. Utanom undervisning ligg det tilsynsplikter, som er døgn-tilsyn med skulen etter vanleg undervisningstid. Det inneber også sovande nattevakt. Du må også vera budd på å vera på arbeid ein del helger i skuleåret.

Utanom linjefag er det aktuelt å undervisa i valfag, fellesfag, temafag etc. Har du forming, kunst, fysiske fag etc i interessefeltet ditt vil det vera ein fordel.

Me trur at for rette personen kan me tilby eit svært spanande og hektisk skuleår med høgt tempo, men med trivelege folk. Det ligg rundt tre månadar avspasering og ferie på sommaren. Løn etter kvalifikasjonar, og i tillegg ei lita kompensasjon for ulagleg arbeidstid. Statleg pensjonsordning.

Meir informasjon hos rektor Dag Folkvord, tlf. 51785100 eller 92030762 eller på mail dag@jarenfhs.no.

Grundig skriftleg søknad med CV må sendast eller mailast skulen innan 20. februar 2010. 

Styret for Jæren folkehøgskule, Søren Øvretveits veg 9, 4352 Kleppe. 
Mail: dag@jarenfhs.no